8 મે વિશ્વ રેડક્રોસ દિવસ તરીકે ઉજવાય છે : રેડક્રોસની ગુજરાત શાખાના પ્રમુખ અને રાજ્યપાલ દેવવ્રતજીની માનવીય મિશનમાં સહયોગની અપીલ
![top-news](https://gujaratvandan.com/public/uploads/images/newsimages/GujaratVandan08052024_122403_red-cross-2.webp)
- 08 May, 2024
રાજ્યપાલ અને ઈન્ડિયન રેડક્રોસ સોસાયટીની ગુજરાત રાજ્ય શાખાના પ્રમુખ આચાર્ય દેવવ્રતજીએ 8 મી મે, વિશ્વ રેડક્રોસ દિવસની ઉજવણીમાં ભાગ લીધો અને આ પ્રસંગે સંબોધતા કહ્યું કે જરૂરિયાતમંદ વ્યક્તિઓની પીડા ઓછી કરવા માટે રેડક્રોસ સોસાયટી પ્રતિબદ્ધતા વ્યક્ત કરે છે . સમગ્ર ગુજરાતમાં 33 જિલ્લા અને 92 તાલુકા શાખાઓ સાથે રેડક્રોસ માનવીય સેવા માટે હંમેશા તત્પર હોય છે. ઉપરાંત રેડક્રોસ દ્વારા સ્વૈચ્છિક રક્તદાન અને નેત્રદાનમાં દેશમાં પ્રથમ ગુજરાત રેડક્રોસના બ્લડ સેન્ટર્સ વર્ષે 2,00,000 થી વધારે રક્ત યુનિટ એકત્ર કરીને જરૂરિયાતમંદોને પહોંચાડ્યું છે.
રેડક્રોસના સંસ્થાપક જીન હેનરી ડૂનન્ટનો જન્મદિવસ 8 મી મે વિશ્વ રેડક્રોસ દિવસ – વર્લ્ડ રેડ ક્રેસેન્ટ દિવસ તરીકે ઉજવાય છે. આ અવસરે રાજ્યપાલ દેવવ્રતજી કહ્યું કે ગુજરાતમાં 24 રેડક્રોસ બ્લડ સેન્ટર્સ અને 16 બ્લડ સ્ટોરેજ યુનિટ હાલમાં કાર્યરત છે. ઉપરાંત 8 વધુ બ્લડ સેન્ટર્સ સ્થાપિત કરવાની પ્રક્રિયા ચાલી રહી છે. ગુજરાતના વિવિધ જિલ્લાઓમાં આધુનિક ઉપકરણોથી સુસજ્જ 14 ફિઝિયોથેરાપી સેન્ટર પણ શરૂ કરવામાં આવ્યા છે. સર્વાઈકલ કેન્સર અને સ્તન કેન્સર નિયંત્રણ માટે 10,000 જેટલી મહિલાઓની પ્રાથમિક તપાસ કરવામાં આવી છે. રાજ્યમાં 11 પેથોલોજી લેબોરેટરી પણ નાગરિકોની સેવામાં છે. 33,000 સ્વયંસેવકોને પ્રશિક્ષિત કરવામાં આવ્યા છે, જે કોઈ પણ પ્રકારની આપદાઓમાં સેવા આપી શકે. 6,00,000 યુવાનોને પ્રાથમિક સારવાર અને સી.પી.આર. નું પ્રશિક્ષણ પણ આપવામાં આવ્યું છે.
8 મી મે એ વિશ્વ થેલેસેમિયા દિવસ પણ મનાવવામાં આવે છે. આચાર્ય દેવવ્રતજીએ કહ્યું હતું કે, ગુજરાત રેડક્રોસ દ્વારા થેલેસેમિયા અને સિકલસેલ નિવારણ અભિયાન હાથ ધરવામાં આવ્યું છે, જે ભારતમાં આ પ્રકારનું પહેલું અભિયાન છે. ગુજરાત રેડક્રોસ દ્વારા થેલેસેમિયા મેજર બાળકોને રક્ત યુનિટ નિઃશુલ્ક આપવામાં આવે છે. એટલું જ નહીં 550 થી વધુ થેલેસેમિયા મેજર બાળકોને આ દુનિયામાં આવતા અટકાવવામાં સફળતા મળી છે. આ વર્ષ ‘માનવતાને જીવંત રાખીએ’ ની થીમ સાથે અમે ઉજવી રહ્યા છીએ .
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ